Gazte egonaldiak 10-14 urte

2007ko udan jarri zen abian Gazte Egonaldiak proiektua.

Orduko esperientzia kontuan izanik, urtero euskal musikaren transmisioan eragiteko eta euskara sustatzeko egonaldiak errepikatu dira. Gozamen iturri diren ekintzez beterik egongo dira Gazte Egonaldiak.

Euskal Herriko errealitate soziokultural eta soziolinguistikoa kontuan hartuko duen ikuspegitik antolatuko dira Gazte Egonaldiak. Euskararen motibazioan eta erabileran eragingo duten egonaldiek ikus-entzunezkoen mundua izango dute tresnatzat.


HELBURUAK

  • Aisialdian ondo pasatuz, bizitzarako heztea
  • Aisialdian eredu parte hartzailea bideratuz, aisialdi autonomoa izan dezaten heztea.
  • Aisialdian ondo pasatuz zaletasun berrietara hurbiltzea.
  • Euskara eremu ludikora gerturatuz, aisialdian erabili dezaten, erabileran eragitea.
  • Egoera ludikoen bidez, aurrez-aurreko komunikazioa indartzea
  • Talde lanean sormen lanak burutzea.
  • Gazte taldeari euskarazko erreferenteak eskaintzea, adibidez euskal musika.

JARDUERAK

Aurten ere LEKEITION burutuko dira Gazte Egonaldiak, beraz itsasoa eta hondartzaz gozatzeko aukera izango dugu.

Bestetik, hauek egonaldiak izango dituen ekintza nagusiak:

Euskal musikan sakondu, gidoien bitartez bideoklipak egiten ikasi, argazki raliak antolatu, euskararen alderdi ludikoa ezagutu, musikari ezagunen kontzertuaz gozatu eta inguruko herriak ezagutu.

Bestetik, orain arteko elkarlanarekin jarraituz:Badok.eus (euskal musikaren ataria) ezagutuko dute gazteek. 

TXANDAK

1.TXANDA ekainaren 30etik uztailaren 6ra.

2005-2006an jaiotakoentzat.

2. TXANDA uztailaren 7tik 13ra.

2007-2008an jaiotakoentzat.

 

KOKAPENA

AZKUE IKASTOLA

Atea z/g

48280 Lekeitio

Matrikulazio data: 
2019, Martxoa 1-tik 2019, Maiatza 10-ra
Ikastola federatuetako ikasleentzako prezioa: 
255 euro
Ikastola ez federatuetako ikasleentzako prezioa: 
290 euro

Txandak

Hasierara itzuli
2019/06/30-tik 2019/07/06-ra
2019/07/07-tik 2019/07/13-ra

Kokapena

Hasierara itzuli
Kokapenaren zehaztapena: 

 

 

 
Oiartzun

Jarraipena

Hasierara itzuli

Albisteak

Gabon famili!!

Hementxe jarraitzen dugu Leketioz gozatzen, hondartzaz gain irlan eta errekan ere bainatu gara onezkero. Gonbidatuak ere izan dira gurean, bertsolari eta zinemagileekin gaubela ederrak izan ditugu. Aurretik ditugun bi egunak berdin gozatzea espero dugu. 

Hementxe egun hauetako argazki batzuk!!!!

Gabon familia!!!! 

Jada hasiak gara Lekeitio herria ezagutzen, portua, herriko plaza, hondartza... Bideoklip eta proiektuen lehen bideoak ere grabatzen hasi dira gure gazteak, zein ideia izango dituzte buruan??

Jarraituko dugu gure egonaldiaren berri ematen, bitartean guk bezain beste disfrutatu dezazuela!! Ongi izan!

Gazte egonaldietan ederto gabiltz!

Eguraldia alde dugula, Lekeitioko bazterrak nahasten: Hondartzan bainua, irlara bisita, jolasak, herritarrak ezagutu...

Gure sormena akzio guztietan lantzen gaude: bertsolarien bisita, gidoien prestaketa, desfilea, abestien lanketa....

Elkarlanean...bizipoza!!

Irudi bildumak

Oraindik ez dago argazkirik